Piştî Wezîrê Karên Hundir Suleyman Soylu Hevşaredara Bajarê Mezin a Wanê Bedîa Ozgokçe Ertan ji peyvirê girt û li şûna wê Walî Mehmet Emîn Bîlmez wekî qeyûm tayîn kir, Qeyûm Bîlmez ewil meclisa şaredariyê fesih kir
Wezîrê Karên Hundir Suleyman Soylu di 19’e Tebaxê de Hevşaredara Bajarê Mezin a Wanê Bedîa Ozgokçe Ertan, Hevşaredarê Amedê Selçuk Mizrakli û Hevşaredarê Mêrdînê Ahmet Turk ji peyvirê girtin û li şûna wan waliyên mêtingeriyê yên bajaran tayîn kirin. Li Şûna Hevşaredara Wane Bedîla Ozgokçe Walî Mehmet Emin Bîlmez wekî qeyûm tayin kir. Qeyûm Bîlmez di destpêkê de meclisa şaredariyê fesih kir.
Qeyûm Bilmez, nivîs ji meclisa şaredariyê re şand û aşkere kir ku meclis fesih kiriye. Meclisa ku 71 endamê wê hebûn, 44 endamên meclisê yên HDP’î û 27 endamên meclisê jî yên AKP’î bûn. WAN
