Şarê Amedî vera qayûman roja hîrêne de reyna vejîya kuçeyan. Hêzanê rejîmî heme rayîrê ke Şaredarîya Bajarê Girdî rê vejîyenê bi TOMA û barîyeran qefilnayî
Verê eşkerayîya Partîya Demokratîke ya Şaran (HDP) ya derheqê xespkerdişê şaredarîyanê Bajaranê Girdan yê Amed, Wan û Mêrdînî polîsan ewro reyna şaredarîye girewte binê ablûqa.
Kuçeyê Xarpêtî û rayîrê dormeyê ci hetê polîsan ra bi barîyeran ameyî qefilnayene. Sereyê heme rayîran de TOMA ameyî cakerdene. Rayîrê ke trafîkî rê ameyî qefilnayene de dekewtiş û vejîyayîşî de şar Arêdayîşê Hayîdarîyanê Pêroyîyan (GBT) ra yeno ravêrnayene. Yeno pawitene ke parlamenterê HDPyî hemşaredarî vernîya şaredarîye de eşkerayîyêk bidê. Şar semedê eşkerayîye kuçeyê Lîse de yeno peyser. Meydanî ra sloganê serewedartişî benê berz. Polîsan şar û parlamenterî girewtî binê ablûqa. Naye ser ra çalakîya roniştişî dest pêkerde. Çalakîye bi tilîlî û sloganan dewam kena. AMED
