Platforma Rojnamegerên Jin a Mezopotamyayê, daxwaz kir ku rojnamegerên di bin çavan de bên berdan
Platforma Rojnamegerên Jin a Mezopotamyayê, têkildarî rojnamegerên di bin çavan de daxuyaniyeke nivîskî weşand. Platformê di destpêka daxuyaniya xwe de tayînkirina qeyûman a ser şaredariyên bajarên mezin ên Amed, Mêrdîn, Wan û operasyonên qirkirina siyasî ku di encamê de zêdetirî 400 kesî hatine binçavkirin bi bîr xist û ev tişt got: “6 hevalên me yên ku çalakiyên şermezarkirina qeyûman dişopandin, bi derbkirinê hatine binçavkirin û lêgerîna tazî li wan hatiye ferzkirin. Ev pêkanîn li gel sînordarkirina azadiya agahî girtinê, di heman demê de nexwestina nedîtina êrîş û mudaxaleya ku tên kirine jî. Ne pêkane ku em helwesteke bi vî rengî qebûl bikin.”
11 Rojnameger binçavkirî ne
Platformê di berdewama daxuyaniya xwe de xwest hemû rojnamegerên ku di vê pêla qirkirina siysî de hatine binçavkirin tavilê bên berdan. Platformê diyar kir ku di serî de nûçegîhana Jinnewsê Rojda Aydin, Edîtora Kurdî ya Ajansa Mezopotamyayê Ziyan Karahan û nûçegîhanên Ajansa Mezopotamyayê Mehmet Şah Orûç û Ahmet Kanbal, nivîskara Rojnemaya Evrenselê Ayşegul Tezoren, rojnameger Nûrcan Yalçin û Halîme Parlak, Yelda Çîçek, Vedat Dag, Tumen Anli û Ozgur Ulke û hemû kesên ku hatine binçavkirin divê demildest bên berdan. AMED
