Li Lîbyayê şerê navbera hêzên hikumeta yekîtiya neteweyî û mareşal Haftar, li derdora paytextê giran bû. Tê îdîakirin ku hikumetê hin herêmên leşkerî ji nû ve wergirtiye.
Mareşal Halîfe Haftar li rojhilat û başûrê Lîbyayê xwedî hêzeke girîng e. Êrîşên yekîneyên Haftar ku di 4’ê Nîsanê de li dijî paytext Trablûsê dan destpêkirin didomin.
Hêzên Haftar gelek herêmên li nêzî paytext wergirt û tê gotin li pêşberî hêzên hikumeta yekîtiya neteweyî ve lawaz bûne. Berdevkê hikumetê ya li Trablûsê Mûstafa el Mejîî ragihand, ku Akademiya Hêzên Hewayî jî di nav de gelek herêm ji nû ve hatine wergirtin. Herêmên ku qala wan tê kirin li başûrê Trablûsê ne û tê gotin, di şer de her du aliyan gelek windahî dane.
Li gorî Mûstafa el Mejîî herî kêm 20 leşkerên hêzên Haftar di şer de hatine kuştin û gelek jî birîndar bûne.
Di rûpelên medya civakî yên hêzên Halîfe Haftar de jî hate îdîakirin ku êrîşên hêzên hikumetê hatine têkbirin.TRABLÛS
