Şaredarîyanê qezayanê Tuşba, Ebex û Artemêtanî yê Wanî de 9 endamê Meclîsê Şaredarîye yê HDPyî wezîfeyî ra ameyî girewtene
Şaredarîyanê qezayanê Tuşba, Ebex û Artemêtanî yê Wanî de yê ke namzedanê HDPyî qezenc kerdbi la Heyetê Weçînitişê Berzî (YSK) bi beheneyê îxraçkerdişê namzedan mazabatayê înan daybîî namzedanê AKPyî, 9 endamê meclîsî yê HDPyî wezîfeyî ra ameyî girewtene.
Goreyê zanayîşanê ke ameyî girewtene endamê Meclîsê Şaredarîya Artemêtanî Savaş Encu, Sevînç Şekere, Atîye Esen, endamê Meclîsê Şardarîya Ebexî Pinar Demîre, Necmettîn Şahîn, Hulya Darake û Mehemt Sidik Moraner û endamê Meclîsê Şaredarîya Tuşba Ercan Yilboga wezîfeyî ra ameyî girewtene.
Rojanê ravêrte de bajar de hemşaredarê Ebexî Farûk Demîr û hemşaredarê Artemêtanê Medenî Ozer wezîfeyî ra ameybî dûrîfînayene. Reyna Şaredarîya Tetwanî de zî 20ê Gulana 2019î de 9 endamê Meclîsê Şaredarîye yê HDPyî wezîfeyî ra ameybî dûrîfînayene. WAN
