Kampyanaya KJAR’ê ku bi dirûşma ‘Dijî şîdetê yek bigirin, têbikoşin û azad bibin’ daye destpêkirin, her diçe mezin dibe. Bi rêya torên civakî zêdetirî hezar kesî piştgirî dan kampanyayê
Komelgeha Jinên Azad a Rojhilatê Kurdistan (KJAR) li dijî her cûre dagirkeriyên zîhnî, jîngehî, siyasî, civakî, aborî û perwerdeyê di 27’ê tîrmehê de pêngava ‘Dijî şîdetê yek bigirin, têbikoşin û azad bibin’ da destpêkirin. Kampanya bi beşdarbûna jinên kurd, fars, ereb, belûc, azerî, mazenî, gîlekî û lor heta demek nediyar dê berdewam bike.
Ev kampanya bi rêya torên civakî yên weke fecebook, instagram û telegramê ve tê meşandin. Li rojhilatê Kurdistanê û Îranê, derveyî welat û başûrê Kurdistanê zêdetirî hezar kesî beşdarî kampanyayê bûn.
Kampanya li dijî her cûre dagirkeriyên zîhnî, jîngehî, siyasî, civakî, aborî û perwerdeyê ye û kar li ser hemû pirsgirêkên civakî dike. Her mehê ji bo guftûgokirin û çareserkirina yek ji pirsgirêkan kar dike.
Ji derveyî jinan mêr jî beşdarî kampanyayê dibin. Her yek bi awayekî bi dîmen, deng, wêne û nivîs piştgiriya xwe destnîşan dikin. Her wiha qala rêya çareserî û rizgarbûna jin û civakê ya ji sîstema mêrsalarî jî dikin.
Her wiha li ser çiyayên Kurdistanê gerîlayan bi dirûşma ‘Dijî şîdetê yek bigirin, têbikoşin û azad bibin’ piştgirî dan kampanyayê.
Her kes bi awayekî cuda li ser torên civakî piştgiriya xwe aşkera dikin. Her wiha hinek jin qala nebûna maf û bêrêziyên sîstema Îranê dikin û teqezî li ser şerekî fikrî û îradebûnê dikin.
