Girseyo ke parlamenterê HDPyî zî mîyan de yî hemverê Şaredarîya Bajarê Girdî ya Amedî de dest bi çalakîya roniştişî kerd
Çalakîya ke vera tayînkerdişê qayûmî yê herinda Hemşaredarê Amedî Adnan Selçuk Mizrakliyî de dîya dest pêkerde dewam kena. Amed de vera xespkerdişê îradeyê şarî çalakîyê protestoyî kewtê roja çarine. Amedijî tewrê parlamenteranê HDPyî hemverê şaredarîye de binê ablûqaya polîsan dest bi çalakîya roniştişî kerdî. Parlamenterê Partîya Demokratîke ya Şaran (HDP) Musa Farisogullari, Dersîm Dag, Remziye Tosun, Feleknas Uca û Dilşat Canbaze zî mîyan de grubek Raşteyê Lîseyî yê hemverê Şaredarîya Bajarê Girdî ya Amedî ke bi rojan obinê ablûqaya polîsan de yo de dest bi çalakîya roniştişî kerdî.
Yeno pawitene ke semtê Ofîsî yê Yenîşehîrê Amedî de eşkerayîya çapemeyîye bêro dayene. Protestoyanê roja Çarşemeyî de parlamenterê HDPyî û rojnamegerî zî tede xeylî kesî hêrişê polîsan de birîndar bibî û tewr tay 10 kesî ameybî tepiştene. AMED
