Parêzerê Firat Koç ku li Wanê ji aliyê polisan ve hat îşkencekirin Erhan Çîftçîler bertek nîşanî daxuyaniya Walîtiya Wanê da û diyar kir ku daxuyanî ji bo parastina polisan hatiye dayîn
Duh polisan, li qewexaneyeke li Kolana Hunerê ya Wanê, bi kask, ço û pihînan êrîşî cîwanê bi navê Firat Koç ku rapora wî ya xerabûna psîkotîkê heye kiribûn. Walîtiya Wanê têkildarî êrîşa polisan daxuyanî dabû û angaşt kiribû ku polisan bi kontrol êrîşî Koç kiriye. Parêzerê Koç Erhan Çîftçîler têkîldarî mijarê axivî û bertek nîşanî daxuyaniya walîtiyê da û diyar kir daxuyanî ji bo parastina polisan hatiye dayîn. Parêzer Çîftçîler diyar kir ku di bin çavan de bi Koç re hevdîtin pêk anîye û got ku hê jî şopên îşkenceya ku lê hatiye kirin di laşê wî de xwanê ne. Li gel delîlên îşkenceyê hene jî daxuyaniya walîtiyê ya bi kontrol mudaxale hatiye kirin, li gorî me dûrî aqilan e. Bi vê yekê raya giştî şaş tê agahdarkirin û tê xwestin ku polisên îşkenceyê kirin bên parastin. Lê divê bê zanîn ku ji bo îşkenceya li muwekîlê min hatiye kirin bê ceza nemîne, weke parêzer em ê pêvajoya qanûnî bişopînin.” WAN
