Çalakiyên rûniştinê yên li dijî tayînkirina qeyûm ên Şaredariyên Bajarên Mezin ên Amedê Wan û Mêrdînê didomin. Li Amedê çalakiya rûniştinê bi tevlibûna hilbijêrên HDP’ê û welatiyan di roja 5’an de li kolana Lîseyê didomin
Wezîrê Karên Hundir Suleyman Soylu di 19’ê tebaxê de Hevşaredarên Bajarên Mezin ên Wan, Amed û Mêrdînê ji peyvirê dûr xistin. Li şûna wan waliyên Amed, Mêrdîn û Wanê wekî qeyûm tayîn kir. Piştî tayînkirina qeyûm li Wan, Amed û Mêrdînê 5 rojin çalakî didomin.
HDP’a Amedê bi boneya bertekên xwe bînin ziman xwest li pêş avahiya Şaredariya Bajarê Mezin a Amedê daxuyaniyê bidin çapemeniyê. Lê polîsan avahiya şaredariyê dorpêç kir û destûr neda girseya HDP’ê li vir daxuyaniyê bidin çapemeniyê. Polîsan rêya Xarpête û rêyên din girt û destûr neda girse kom bibe. Polîsan bi maşîneyên zirxî û TOMA rê girtin û ketina girsê asteng kir. Li ser ve yekê parlamenter, hevşaredar û endamên meclîsa şaredariyê û rêveberên HDP’ê li Kolana Liseyê kom bûn û dîsa dest bi çalakiya rûniştinê kirin. Welatiyên Amedê bi israrin ku çalakiya xwe bidomînin.
Li Mêrdî û Wanê jî bi heman armancê çalakî tên li darxistin û betekên tund li dijî desthilatî û qeyûmên tayinkîrî tên dayîn. AMED
