Ajansê Anadolû (AA) yo ke linga dewlete yo xebera ke serwîs kerd de îdîa kerd ke ciwano bi nameyî Mehmet Akarî ‘remnayî koye.’ Zurêka bîn ya Ajansê Anadolû vejîya raşte û Mehmet Akarî dîyar kerd ke seba ke keyeyê ci bi zorî ci dano zewecnayene o keye ra remayo
Kayeyê Mehmet Akaro (21) ke îdîa kerd Akarî ‘remnayî koye’3 rojî yo ke verê awanîya HDPyî ya Amedî de çalakî viraştbî. Hacer Akara ke qezaya Sûrî ya Amedî de ronişena û 3 rojî yo ke verê awanîya HDPyî ya Bajar de çalakî virazena îdîa kerde ke lajê ci Akarî kewto awanîya HDPyî ya Bajarî ya Amedî ci ‘remnayî koye.’ Ajansê Anadolû (AA) yo ke linga dewlete yo zî xebera ke serwîs kerd de îdîa kerd ke ciwano bi nameyî Mehmet Akarî ‘remnayî koye.’ Zurêka bîn ya Ajansê Anadolû vejîya raşte û Mehmet Akarî dîyar kerd ke seba ke keyeyê ci bi zorî ci dano zewecnayene o keye ra remayo.
Mehmet Akarî wexto ke seba îfadedayîşî şî Mudirîya Polîsan ya Amedî ame tepiştene. Badê ke Akarî vejîya raşte keyeyê ci çalakîya xo peynî kerd û şî Mudirîya Polîsan ya Amedî.
Datê Akarî Abdullah Akarî da zanayene ke birazayê ci Akarî Mudirîya Polîsan ya Amedî de yo. Dat Akarî dîyar kerd ke malumatêke dayo Mudirîya Polîsan ya Amedî dayo Ajansê MA zî û va: “Ma birazayê xo vîna. Weşîya ci baş a. Tu şik nêmendî. Nêşîyo koye. Bajar de bî. Nika dayîka ci verê ci de ya. Ma zî şonî keyeyê xo.” AMED
