Îzmîr û Dêrsimî seba mîtîng û rayîrşîyayîşê 1ê Êlule Roja Aştîye ya Dinya veng ame kerdî
Xeylê bajaran de hadreyîya mîtîngê 1ê Êlule Roja Aştîye ya Dinya yena kerdene. Hêzê Ked û Demokrasîye yê Îzmîrî çarçewea programê mîtîngê 1ê Êlule Roja Aştîye ya Dinya de bi kombîyayîşêko çapemenî eşkerayî dayî. Kombîyayîş awanîya Temsîlkarîya DÎSKî ya Herêma Egeye de pê ame. Serê nameyê komeleye Memîş Sariyî eşkerayî wend û va: “Ma do 1ê Êule roja yewşeme de saet 18. 00î de Raşteyê Gundogduye de mîtîng pê bîyarî.”
DÊRSIM
Hêzê Ked û Demokrasîye yê Dêrsimî zî derheqê 1ê Êlule Roja Aştîye ya Dinya de awanîya Şûbeyî yê Komeleya Heqê Merdiman (ÎHD) de kombîyayîşê çapemenî pê ardî. Temsîlkarê rêxsitinê komelî û partîyê sîyasî tewrê kombîyayîşî bîyî. Serekê Şûbeyê Dêrsimî yê ÎHDyî Gurbuz Solmazî eşkerayî wend û da zanayene ke ê do roja 1ê Êlule de saet 17.0î de Raşteyê Hunerî yê Seyîd Rizayî de rayîrşîyayîş pê bîyarî û eşkerayî bidî. ÎZMÎR / DÊRSIM
