Gerîlayên HPG û YJA-Starê li navçeya Çelê ya Colemêrgê li dijî leşkerên artêşa tirk a dagirker çalakî lidar xist. HPG’ê destnîşan kir ku di çalakiyê de 2 leşker hatine kuştin û 2 leşker jî birîndar bûne
Navenda Ragihandin û Çapemeniyê ya HPG’ê têkildarî çalakiyên gerîla û êrîşên hewayî yên li dijî Herêmên Parastinê yên Medyayê daxuyaniyek nivîskî weşand. HPG’ê destnîşan kir ku Çelêya Colemêrgê li dijî leşkerên tirk çalakî pêk anîne di çalakiyê de 2 leşker hatine kuştin û 2 leşker jî birîndar bûne.
HPG’ê derbarê çalakiyê de ev agahî ragihand: “Hêzên me bi çarçoweya Pêngava Şoreşgerî ya Şehîd Bager û Şehîd Ronya de di roja 28’ê tebaxê saet di 12.30’an de li dijî wesayîta leşkerî ya artêşa TC’ê ya dagirker li ser rêya dinavbera girê Şehîd Gulbaha û Şehîd Zekiye yên navçeya Çelê ya Colemêrgê çalakiyek lidar xist. Bi serketî li wesayîta dijmin hat xistin, wesayît hate rûxandin, 2 leşker hatin kuştin û 2 leşker jî birîndar bûn. Piştî çalakiyê artêşa TC’ê ya dagirker bi top û hawanan herêm bombebaran kir û kuştî û birîndarên xwe ji herêmê rakir. Yekîneya me ya çalakî lidarxistî bi silametî gihişte baregeha xwe.”
Êrîşên hewayî
Têkildarî êrîşên hewayî jî ev agahî da: “Di 29’ê tebaxê saet di navbera 13.00 û 14.00’an de balafirên şer ên artêşa TC’ê ya dagirker bombe li derdorê gundê Siyanê, Guzê û Şêranê yên herêma Gare ya Herêmên Parastinê yên Medyayê barandin. Di van bombabranan de tiştek bi hêzên me nehatiye lê li herêmê şewat derket.” BEHDÎNAN
