Hêzên Koalîsyona di pêşengiya Erebistana Siûdî de êrîşî girtîgehek li Yemenê kirin. Di êrîşê de 50 kes mirin û 100 kes jî birîndar bûn
Hêzên Koalîsyona di pêşengiya Erebistana Siûdî de li dijî girtîgehek li Bajarê Zamar ê Yemenê êrîşa hewayî pêk anî. Di êrîşê de 50 kes mirin û 100 kes jî birîndar bûn. Berdevkê Hûsî Muhammed Abdusselam, li ser hesabê twitterê parve kir û wiha got: “Hêzên Koalîsyonê di sala nû ya hîcrî de li bajarê Zamarê êrîşî girtiyan kir û komkujiyek mezin kirin. Di êrîşan de li gorî agahiyên ewil 50 kes mirin û 100 kes birîndar bûn.”
Midûrê Komîteya Neteweyî ya Karên Girtiyan a girêdayî Husîyan Abdulkadir el-Murtada jî li ser hesabê facebookê agahî dan û wiha got: “Balafirên koalîsyonê li bajarê Zamarê girtîgehên di kontrola Husiyan de kirin hedef. Yekineyên girgarkirinê ji ber êrîşan nekarîbû xwe bigîhînin qadê.”
Şahidên bûyerê jî diyar kirin ku birîndar bi maşîne û ambulansên Husiyan rakirin nexweşxaneyan. Husiyan têkildarî bûyerê Erebistana Siûdî û Emîriyên Ereb ên Yekbûyî (BAE) tawanbar kir.
