Di nav de parlamenter Remziye Tosun jî, welatiyên ku dixwestin li Amedê li dijî tayînkirina qeyûman çalakiyê li dar bixin, ji hêla bi sedan polîsan ve hatin dorpêçkirin
Wezareta Karên Hundir a Tirkiyeyê di 19’ê tebaxê de qeyûm tayînî şaredariyên bajarên mezin ên Amed, Wan û Mêrdînê kirin. Li dijî biryara wezaretê, li her sê bajarên navborî ev 15 roj in bênavber çalakî tên lidarxistin.
Di vê çarçoveyê de di roja 15’emîn de jî li Amedê di nav de parlamentera Partiya Demokratîk a Gelan (HDP) Remziye Tosun jî, komeke ji welatiyan xwest ku li Kolana Hunerê ya Navçeya Navendî ya Yenîşehîrê çalakiyê li dar bixin. Çalakvan ji hêla bi sedan polîsan ve hatin dorpêçkirin. Tosun û koma pê re ku hatibûn dorpêçkirin, ji bo protestokirina vê helwesta polîsan çalakiya rûniştinê pêk anî. Piştî çalakiya rûniştinê jî çalakî bi dawî bû.
Her wiha rojnamegerên ku dixwestin çalakiyê bikişînin jî ji hêla polîsan ve hatin astengkirin. AMED
