Çalakîya roniştişî ya Amedî ya ke 19ê Tebaxe ra nata vera xespkerdişê 3 şaredarîyanê bajaranê pîlan ê HDPyî yena viraştene roja 16ine bi slogananê xoverdayîşî dest pêkerde
Semedê protestokerdişê qeyûmanê ke şardarîyanê Amed, Wan û Mêrdînî de ameyî cakerdene, her hîrê bajaran de rojane çalakîyî yenê viraştene. Çalakîya Amedî ya ke kewte roja 16ine bi slogananê xoverdayîşî dest pêkerde. Parlamenterê Partîya Demokratîke ya Şaran (HDP) Feleknas Uca, Garo Paylan, Musa Farîsogullari, Erdal Aydemîr û xeylê hemwelatijî tewrê çalakîye bîyî.
Çalakîya ke xeylî parlamenterê HDPyî tede ca gênê reyna Kuçeyê Lîse de ameye destpêkerdene. Çalakgerî bi fîtik, çepikan û slogananê xoverdayîşî qîrenê. Çalakîya roniştişî ra dima do eşkerayîyêk bero dayene. 19ê Tebaxe ra nata çalakîyî rixmê heme hêrişanê polîsan bêmabên dewam kenê. AMED
