Çalakîya roniştişî ya ke Amed de vera xespkerdişê şaredarîyan yena viraştene roja 18ine de dewam kena
Çalakîya roniştişî ya Amedî ya ke 19ê Tebaxe ra nata vera xespkerdişê 3 şaredarîyanê bajaranê pîlan ê HDP’yî yena viraştene roja 18ine de ya.
Çalakîya ke sloganê xoverdayîşî berz benê, Hemserekê Kongreya Komela Demokratîke (KCD) Berdan Ozturk û Endamê Dîwanê Hemserekîye yê KCDyî, Palamenterê Partîya Demokratîke ya Şaran (HDP) Remzîye Tosune, Musa Farîsogullari, Îmam Taşçier û Salîha Aydenîze, Serekê Partîya Sosyalîstanê Bindeste (ESP) yê Amedî Ramazan Demîrkaya, Serekê Komeleya 78an yê Amedî Ganî Alkan, Dayîkê Aştîye, Serekê pêroyî yê Partîya Komînîstî ya Kurdistanî (KKP) Sînan Çîftyurek û Endamê partîye, hemşaredarê HDPyî, aktîvîstê Tevgerê Cinîyanê Azadan (TJA) û bi seyan kesî tewrê ci bîyî. Çalakîya ke saete 11.00î de ameye destpêkerdene û bi kursîyê serbestî dewam kena. 13.00i de do eşkerayîye bêro dayene. Ablûqaya polîsan zî sey tim dewam kena. AMED
