Navenda Ragihandin û Çapemeniyê ya HPG’ê diyar kir ku li Xakûrkê derb li helîkoptereke bi Tîpa Kobra ya dewleta tirk a dagirker hatiye xistin
Navenda Ragihandin û Çapemeniyê ya HPG’ê têkildarî çalakiyên gerîlayan de daxuyaniyek nivîskî weşand. HPG’ê destnîşan kir ku hêzên wan li Xakûrkê der li helîkoptera artêşa tirk xistine. HPG’ê derbarê çalakiyê de ev agahî parve kir: “Li dijî êrîşa dagirkeriyê ya li herêma Xakûrkê ya Herêmên Parastinê yên Medyayê, di çarçoveya Pêngava Şoreşgerî ya Şehîd Bager û Şehîd Ronya de hêzên me 3’ê îlonê saet di 20.30’î de li geliyê Şêxzade li dijî helîkoptereke êrîşê ya bi Tîpa Kobra ku hewl dida bikeve nava herêmê çalakiyek pêk anîn.” Di daxuyaniyê de hate ragihandin ku derb li helîkopterê ketiye û neçar maye ku ji herêmê biçe.
Di daxuyaniyê de her wiha hate ragihandin ku di 4’ê îlonê de ji ber bomberdûmana balafirên şer 2 hevalên wan şehît bûne û dê agahiyên der barê wan de piştre bi raya giştî re parve bikin. BEHDÎNAN
