Avûkatan seba Hemsereko Pêroyî yê HDPyî yo verên Selahattîn Demîrtaşî muracatê hepistîye kerdî. Eke waştişê Demîrtaşî bêro qebulkerdene yeno pawitene ke Demîrtaş bêro veradayene
19. Mehkemaya Cezaya Giran ya Anqara roniştişê 2ê Êlule yê dawaya Hemsereko Hepsî yê Partîya Demokratîke ya Şaran (HDP) yo verên Selahattîn Demîrtaşî de qerarê serbest veradayîşî dabi. Serdozgerîya Anqara îtîrazê qerarê veradayîşî kerdbi. La 20. Mehkemaya Cezaya Giran ya Anqara îtîraz red kerdbi.
Eke qerar bêro qebulkerdene Demîrtaş so bêro veradayene
Ame zanayene ke redkerdişê îtîrazî ra pey vizêr şan avûkatê Demîrtaşî seba cezayê ey bêro hesebnayene muracatê 26. Mehkemaya Cezaya Giran ya Anqara kerd û waşt ke cezaya 4 serrî û 8 menganê ke Demîrtaş rê ameybî dayene bêro hesebnayene. Eke mehkema muracat qebul bike yeno pawitene ke Demîrtaş Zîndanê Tîpa Fyî yê Edîrne ra serbest bêro veradayene. STENBOL
