Şervanên HRE’yê li Efrîn û Mareyê li artêşa tirk û komên çete yên girêdayî wê dan. HRE’yê da zanîn ku di çalakiyan de 3 çete hatine kuştin
Çalakiyên şervanên Hêzên Rizgariya Efrînê (HRE) yên li Efrîn, Mare û Ezazê yên li dijî hêzên dagirker ên artêşa tirk û komên çete yên girêdayî wê berdewam in. Di vê çarçoveyê de hêzên HRE’yê li Mare û Şera ya Efrînê li hêzên dagirker xistin. Têkildarî mijarê HRE’yê daxuyaniyeke nivîskî weşand.
Di daxuyaniyê de HRE’yê da zanîn ku hêzên wan di 12’ê îlonê de li derdora navçeya Mareyê li dijî komên çete çalakiya sûîqestê pêk anîne. HRE’yê diyar kir ku di encama çalakiya sekvaniyê de çeteyek hatiye kuştin.
HRE’yê ragihand ku hêzên wan di heman demê de li derdora gundê Malîkiye yê Şerayê jî li dijî koma çete ya Cebhe El Şamiyeyê çalakiya sabotajê pêk anîne. HRE’yê destnîşan kir ku di encama çalakiyê de 2 çete hatine kuştin. EFRÎN
