Wezîrê karê Derve yê Iraqê Muhemed Alî El Hekîm nerazîbûna hikûmeta xwe ya ji destwerdana artêşa tirk ya li ser axa Iraqê anî ziman. El Hekîm destnîşan kir ku di wî warî de guftûgoyên wan û hikûmeta Tirkiyeyê bi hevre berdewam dikin.
El Hekîm roja sêşemê di axaftina xwe ya di civîna konseya wezîran a Yekitiya Welatên Ereban de nerazîbûna xwe ya li dijî destwerdana artêşa tirk a ser axa Iraqê anî ziman û weha got: Em bi her awayî bi Enqerê re di nava diyaşlogê de ne ku hebûna xwe ya leşkerî ya li ser xaka Iraqê bidawî bike.
El Hekîm di berdewamiya axaftina xwe de got ku ew di asta wezareta karên derve ya herdu welatan, dezgeha Istixbaratê û wezareta parastinê de di nava diyalogê de ne û ew diaxwaz dikin ku Tirkiyeyê leşkerên xwe ji ser xaka welatê wan vekişîne.
Hêjayî gotinê ye ku demeke dirêje destwerdana artêşa tirk a ser xaka Iraqê berdewam dike û serweriya axa wî welatê tê binpêkirin bêyî ku tu nerazîbûnên berbiçav ji alî rayedarên hikûmeta Iraqê û Herêma Federal a Kurdistanê ve werin ziman. Heta niha nerazîbûnên wan di asteke pir nizim û fedyok de dihatin kirin.
