Parlementerê HDPyî yê Şirnexî Hasan Ozguneşî roja 25. yê Nobeta Demokrasîye de qisey kerd û bale ant darbeya 12ê êlule ya serra 1980î ser. Ozguneşî qiseykerdişê xo de dîyar kerd ke darbekar û zilkarî do birijîyî erşeyê tarîxî ser û va : “Aqûbetê Kenan Evrenî senî bî do yê AKP-MHPyî zî wina bo.”
Wan de Nobedarîya Demokrasîye roja 25. de verê awanîya Partîya Demokratîke ya Şaran (HDP) ya qezaya Rayîrê Armuşî de dewam kena. Çalakîye de pankartê ‘Îradeya qeyûm nê, îradeya şar’ ame akerdene. Parlementerê HDPyî, hemşaredar û xeylê kesî tewrê çalakî bîyî. Parlementerê HDPyî yê Şirnexî Hasan Ozguneşî roja 25. yê Nobeta Demokrasîye de qisey kerd û bale ant darbeya 12ê êlule ya serra 1980î ser. Ozguneşî qiseykerdişê xo de dîyar kerd ke darbekar û zilkarî do birijîyî erşeyê tarîxî ser û va : “Ewro ortaxîya AKP û MHPyî îqtîdar de yo. Kenan Evren û embazê xo vera kurd, çepgir, demokrat û roşnvîran de darbe pê ardî. Aqûbetê Kenan Evrenî senî bî do yê AKP-MHPyî zî wina bo. Wexto ke Evren ame definkerdene tena çend kesî şîyî mezelê ci ser.”
Badê qiseykerdişan Ozguneşî tewrê girse dest bi Çalakî Nobeta Demokrasîye kerd. Çalakîya roniştişî zî bi berzkerdişê siloganê ‘Ma do xoverdayîş de ser bikewî’ berz kerdî, qedîya. WAN
