Badê teqayîşê herêma Soravangî ya Pasûrî derheqê hedîse de tehqîqat dîya destpêkerdene û Hemserekê HDPyî yê Pasûrî Abidîn Karaman û Mudirê Karê Fenî yê Şaredarîya Pasûrê Şener Aktaşî ameyî tepiştene
Herêma Soravangî ke keweno mabenê qezaya Pasûrî ya Amedî û Mûşî de vizêr saetanê şewe de teqayîş pê ame û yeno vatene ke 7 kesî ameyî tepiştene. Derheqê hedîse de yeno vatene ke Hemserekê Partîya Demokratîke ya Şaran (HDP) yê qezaya Pasûrî Abidîn Karaman û Mudirê Karê Fenî yê Şaredarîya Pasûrê Şener Aktaşî ameyî tepiştene
Serekê Konfederasyonê Qorîcîyan Ziya Sozenî hesabê xo yê medyaya komelkî de pare kerd ke kesê ke merdî ra tayê înan qorîcîyî yî. Kesê ke merdî û birîndar bîyî bi ambulansan wedarîyayî Nêweşxaneyê Dewlete yê Pasûrî. 4ê ci bi giranî pêropîya 9 kesî zî nêweşxaneyanê cîya-cîyayan de yenî dermankerdene.
Sewbîna ame zanayene ke çarçeweya tehqîqatî de derheqê 2 kesê bînî de zî qerarê tepiştişî ameyo vetene. AMED
