Parlementera HDPyî ya Amedî Dersim Dage Nobeta Demokrasîye ya Mêrdînî de qisey kerde û va: “Ma wayîrê şaredarî û îradeyê xo vejîyenê. Seba haştîye û azadîya nê erdî çi destê ma ra bêro ma do bikerê.”
Nobeta Demokrasîye ya Partîya Demokratîke ya Şaran (HDP) ya ke Mêrdînî de verba tayînkerdişê qeyûman yena kerdene roja 27îne de dewam kerde. Nobeta roniştişî ya ke hetê polîsan ra derûdorê ci yeno pîştene de verê berê bînayê HDPyî de yena girewtene.
Parlamentera Partîya Demokratîke ya Şaran (HDP) ya Amedî Dersîm Dage zî paştî daye çalakîye. Dersim Dag a ke çalakîye de qisey kerd wina va: “Ma wayîrê îradeya xo û şaredarîya xo vejîyenî. Ma do verba provakasyonan ê ke verê banê HDPyî ya Amedî yenê viraştene xover bidê. Seba azadî û aştîye çi destê ma ra bêro ma do bikerê. Ê çi wazenî wa bikê, ma zî do verba înan sey her wextî têkoşînê xo pîlêr bikê. Pê destsernayîşan wazenê nê welatî de şerêko pîl dest pê biko. No hukmat do pê poltîkayanê şerî bin bikewo.” MÊRDÎN
