Hevşaredara HDP’ê ya navçeya Qereyazî ya Erziromê Melîke Goksu ji ber 7 sal û 6 meh cezayê wê yê girtîgehê yê li Dadgeha Bilind hat erêkirin, hat girtin
Li navçeya Qereyazî ya Erziromê, polîsan di serdegirtinên malan ên serê sibê de, Hevşaredara HDP’ê ya Navçeyê Melîke Goksu û 2 endamên meclisa şaredariyê jî di nav de, 7 kes binçavkirin. Goksu ya di hilbijartina 31’ê adarê de li navçeya Qereyazî ji sedî 61,83 deng girtin, dema endama meclisa şaredariya Qereyazî bû bi îdiaya “Endamtiya rêxisitinê” di 10’ê tîrmeha 2017’an de hatibû girtin. Goksu piştî 5 mehan hat berdan. 2’yemîn Dadgeha Cezayê Giran a Erziromê, di 22’yê kanûna 2017’an de 7 sal û 6 meh cezayê girtîgehê li Goksu birî û doz şand Dadgeha Bilind.
Goksu ya berî heftiyekê cezayê wê hat erêkirin, biryara lêgerîna wê derket. Goksu, dema ku serê sibê xwest biçe Aydinê û nexweşekê ziyaret bike, hat binçavkirin. Serdar Goksu, Serkan Goksu, Erol Goksu, Emel Tûran, Erdal Bayram û Ferît Kaya yên bi Goksû re jî hatin binçavkirin û birin Edliya Erziromê.
Ji kesên ku hatin destgîrkirin 6 jê hatin berdan lê Hevşaredar Melîke Goksu piştî ku cezayê girtîgehê yê 7 sal û 6 mehan di rûyê wê de hate xwendin, hate girtin.Wê Goksu bibin Girtîgeha Tîpa T’yê ya Erzeromê. WAN
