Badê ke hemşaredarê Pasûrî wezîfe ra ameyî girewtene û qeyûm tayînê herinda înan ame kerdene, awanîya şaredarî hetê polîsan ra girîya binê ablûqa. Polîsan badê kamîya xebatkaran şaredarî kontrol kerdî û kontrolê kamî ra dima xebatkarî girîyenî awanîya şaredarî
Badê fermanê Wezîrîya Karê Mîyanenî, qeyûm tayînê Şaredarîya Partîya Demokratîke ya Şaran (HDP) ya Pasûrî ame kerdene. Qeymeqamê Pasûrî Mustafa Gozletî sey qeyûm tayînê şaredarî ame kerdene. Hemşaredarê Pasûrî Mehmet Fatîh Taş û Fatma Aye bi îdîayê têkiliya înan bi teqayîşê Pasûrî ke 12 êlule de pê ameybî reyde esta, vizêr hetê Mehkemaya Pasûrî ra ameyîbî tepiştene û erşawîyabî zîndan. Badê ke hemşaredarê Pasûrî wezîfe ra ameyî girewtene û qeyûm tayînê herinda înan ame kerdene, awanîya şaredarî hetê polîsan ra girîya binê ablûqa. Polîsan badê kamîya xebatkaran şaredarî kontrol kerdî û kontrolê kamî ra dima xebatkarî girîyenî awanîya şaredarî. AMED
