Kovara Ziryabî bi hûmara xo ya hîrêyîne kitabxaneyan de cayê xo girewt. Hûmara newî de babeta qabî zî albumê ke hetê muzîsyenan ra ke musabaqayanê muzîkî de ser kewtê, ame amadekerdene
Hûmara Hîrêyîna Kovara muzîkî Ziryab vejîyaye. Na hûmare de albemê ‘Olana Bajêr: Bijareyên Ziryabê’ sey dîyarî yenê dayene ke deyîrê tede yê hetê muzîsyenanê serkewte ra ameyî amadekerdene.
Hûmara hîrêyîna kovare de sey Inti Illimiman û Orphaned Land muzîsyenê ke hetê dinya ra yenê şinasnayene reyde û Mehmet Bayrak, Ganî Nar, Dîana Wekîle, Mavîş Guneşere, Xoşnav Têlo, Dogan Çelîk, Guven Erkîn Erkal, Stêrka Karwan, Yeqîn û Akademîya Muzîkê Ma, înan reyde roportajî estî.
Dosyaya Rêncber Ezîzî
Na hûmara Ziryabî de ser Rêncber Ezîzî hetê Seyîdxan Kurij, Welat Ramînazad û W.K. Merdimîn ra dosyayêk amade bîya. Dosya de behsa cuya ey o şexsî, muzîk û sîyasî yena kerdene.
Hûmara hirên de tewrê grûbê cîhanî yê muzîkî Inti Illimani û Orphaned Land re Mehmet Bayrak, Ganî Nar, Diana Wekil, Maviş Guneşer, Xoşnav Têlo, Dogan Çelik, Ertan Tekin, Guven Erkin Erkal, Yunus Dişkaya, Olgun Eren, Stêrka Karwan, Yeqîn, Xecê, Çiya û Akademiya Ma Muzîk reyde pêvînayîş ameyo kerdene. Nuşteyê Besime Şen, Îbrahîm Sarisu, Seyda Goyan, Ardî Zêdo, Erdem Şalva, Seyidxan Kurij, W. K. Merdimîn, Welat Ramînazad û Tiwana Hemê’yî na hûmara kovare de cayo taybet gênî. Kovara Ziryabî 4 mengî ya û hem Kurmanckî hem zî Kirmanckî weşanîyena.
Edîtorê Kurmanackî Mevlut Oguz, edîtorê Kirmanckî zî Şadê Agon a. Lijneyê Weşanî de zî Gokçe Selim, Serhat Temel, Memo Seyda, Ozan Irmak, Yûnis Das û Harun Elkî estê.
Armancê ma îfadeyêko newe sazkerdiş o
Kovare armancê xo wina îzah kena: “Ma wazenê ke meseleyanê muzîsyenan û muzîkê ma ke bi hewayêkê bizehmetî yenê viraştene her ca de, pê ziwanêko zixm bidê munaqeşakerdene û seba muzîsyenan û goştarîkerdoxan îfadeyêko newe saz bikê.” STENBOL
