Burak Bahadir Tuzlu wexto ke serra 2016î de qeyûm tayînê Şaredarîya Bajarê Girdî ya Mêrdînî ame kerdene û qeyûm ci kerd Serekê Daîreya Xizmetê Ciwanan, badê ke şaredarî kewte destê HDPyî paraşûtê hewayî yê şaredarî xo reyde berdbî û tepîya nêardbî. Nika ke qeyûm reyna tayînê şaredarî ame kerdene, qeyûm ci reyna kerd Serekê Daîreya Xizmetê Ciwanan
Serra 2016î de qeyûm tayînê Şaredarîya Bajarê Girdî ya Mêrdînî ameybî kerdene û qeyûm Mustafa Yamanî keso bi nameyê Burak Bahadir Tuzluyî kerdbî Serekê Daîreya Xizmetê Ciwanan. Badê ke weçînayîşê 31ê Adare yê ame û şaredarî kewte destê HDPyî, Tuzlu wezîfe ra ame girewtene û cigêrayîşê ke ameyî kerdene de ame tespîtkerdene ke Tuzlu 5 paraşûrê hewayî yê şaredarî xo reyde berdo. Her çiqas ke şaredarî doza paraşûtan bikera zî Tuzlu paraşûtan nêard. Labelê badê ke 19ê tebaze de qeyûm reyna tayînê Şaredarîya Bajarê Girdî ya Mêrdînî ame kerdene qeyûm Mustafa Yamanî reyna Tuzlu kerd Serekê Daîreya Xizmetê Ciwanan.
Sewbîna sey Tuzlu, Mehtap Bîngula ke Serektîya Daîreya Xizmetê Ciwanan de ameyebî cakerdene zî binê banê şaredarîye de seba ‘xizmetî’ daîre û dikanî kîra kerdbî, labelê vejîya raşte ke daîre û dikanê ke ameyî kîrakerdene yê waya ci yî. MÊRDÎN
