Li Spanyayê li dehan bajaran bi hezaran jin li ser banga gelek saziyên parastina mafên jinan li dijî tundiyê daketin qadan
Li Yekitiya Ewropayê (YE) welatê yekemin ku li dijî tundiya jinê qanûna destpêkê derxistiye Spanya ye. Li Spanyayê ji sala 2003’yan zêdetirî hezar jin ji aliyê hevserê xwe yê berê yan jî ji aliyê kesê li gel dijî ve hatine qetilkirin.
Ji ber ku li dijî kuştinên jinan tevdîrên pêwîst nehate girtin, bi hezaran jin li dehan bajaran daketin qadan. Li ser banga gelek desteyê parastina mafê jinan bi dirûşmên ‘Me dikujin’ , ‘Hinceta kuştinê tune ye’ û ‘Dawî li kuştinê bînin’ jin daketin qadan û banga ketina tevgerê kirin.
Di serî de li paytext Madrîs, Sevîlla, San Sebastîan û gelek bajarên din çalakî hatin lidarxistin. Di çalakiyan de jinan bal kişand ser kuştin û destdirêjiyên ku di demen dawî li hemberî jinan tê kirin.
Li gorî îstatîkên ji sala 2003’yan ve tê girtin li Spanyayê 17 jin hatine kuştin û îsal heta niha 42 jin hatine kuştin an jî mirîne. Ji sedî 19 kuştina jinan di demsala havînê de pêk hatine. MADRÎD
