Ocaxê Aguçanan emser seba ke bala merdiman biance serê texrîbatê xozaye loqmeyê germîya îmaman Çimeyanê Munzurî de vila kerd
Komeleya Hetkarîye û Paştdayîşî ya Ocaxê Aguçanî semedê menga Muharremî Çimeyanê Munzurî yê Pulurî de ke seba şarî jîyarge yo germîya îmaman vila kerd. Pê qezanan germîya îmaman ameye pewtene û pê duayanê pîranê Ocaxê Ağucanî ameye vilakerdene.
Îdarekarê Komeleya Hetkarîye û Paştdayîşî ya Ocaxê Aguçanî Înanç Dolûyî ard ziwan ke, ê her serre cayanê cîyayan de loqmeyê germîya îmaman vila kenî, emser zî bitaybeti waşt ke Çimeyanê Munzurî de vila bikê û va: “Jîyargeyê ma fîrazê ma yê. Maden yan zî çîyêko bîn nêno qebulkerdene. Ganî herkes bizano ke jîyargeyê ma, nîşangehê ma û ocaxê ma pêro parçeyê xozaya ma yê. Aye ra ma emserr waşt ke loqmeyê germîya îmaman tîya, Çimeyanê Munzurî de pare bikê.” DÊRSIM
