Komeleya Cigêrayîşê Kurdî dest bi qeydê payîzî yê 2019î kerde. Komeleye do bi zarawayanê kurmancî, soranî û kirmanckî (Zazakî) dersanê kurdî bida
Komeleya Cigêrayîşê Kurdî ya qezaya Beyoglu ya Stenbolî ke xebatanê ziwanê kurdî rayîr bena, dest bi qeydanê demê payîzî yê 2019î kerde. Komeleye do bi zarawayanê kurmancî, kirmanckî (Zazakî) û soranî dersanê kurdî bida û wendekaran biresna. Komeleye do zarawayê kurmancî de heta 4 merheleyan dersan bida. Zarawayê kirmanckî (Zazakî) de zî do heta 2 merheleyan ders bêrî dayene. Zarawayê soranî de zî do tena 1 merhele ders bêro dayene. Kursê ziwan yê 3 zarawayan do 3 aşman dewam bikerî. Komeleye do mîyanê hewte de 4 saetan û peynîya hewteyî de zî 3 saetan dest bida wendekaran. Muracatê qeydan dewam kenî.
Derheqê babete de Heserekê Komeleya Cigêrayîşê Kurdî Sipan Haco qisey ker dû dîyar kerd ke ê demserrê wisar, hamnan û payîzî de pêropîya 3 prosesan ders danî wendekaran. Hacoyî qiseykerdişê xo de wina va: “Ma nika seba prosesê payîzî qeydan gênî. Perwerdeyê ma 3 aşamanyan ra pê yenî. 3 aşamayî nizdîyê yew serrî dewam kenî. Ma badê heme aşamayan sertîfîka danî wendekaran. Eleqe û muracatê dersan goreyê prosesê sîyasî bedilîyeno. Xeylê Unîversîteyanê Stenbolî ra eleyêk gird dîyeno dersan. Ma veng danî her kesî ke ê ke wazenî ziwan bimusî wa bêrî komele de qeydê xo bivirazî.” STENBOL
