Sereka ÎHDyî ya Anqara Nûray Çevîrmene daye zanayene ke zîndananê Anatolîya Mîyanêne de 116 hepsîyê nêweşî estê û înan ra rewşa 23 kesan zaf giran a ke ê nêeşkenê zîndan de bimanê
Sereka Komeleya Heqê Merdiman ya Anqara Nuray Çevîrmene ANFyî reyde qisey kerde û derheqê rewşa hepsîyanê nêweşan yê Herêma Anatolîa Mîyanêne de zanayîş daye.
Çevîrmene ard ziwan ke seba hepsîyanê nêweşanê ke nêşkenê heqê xo yê dermankerdişî bixebitnê, ê muracatê zafê sazgehan kenê, labelê netîceyêk nêgênê û va: “Pê paştdayîşê Odeya Tabîban a Anqara, ma serra 2018 de derheqê hepsîyanê nêweşan de raporêk amade kerd. Ma no rapor Komîsyonê Cigêrayîşî yê Heqê Merdiman yê Meclîsî, Wezaretê Edelatî, Mudirîya Zîndanan û Wezaretê Weşîye rê erşawit. Cewab dimayê mengêke ame dayene. Cewabo ke yew wexto kilm de ame dayene de rapor nêame cigêrayene. Her çiqas meseleyê giranî yê tedawîkerdişî estê zî cewabê çîyêkî wextêko kilm de nêno dayene la nezaketîya înan a ke problemê pîlî yê nêweşan mojnenê. Seba ke nênê dermankerdene zafê nêweşî wefat kenê. Goreyê doneyanê şeş mengan destpêkê serra 2016î zîndananê Tirkîya de 2 hezar û 300 kesan wefat kerd, labelê derheqê sedemê mergê înan de zanayîşî nêameyî girewtene.” ANQARA
