Panela Guherîna Avûhewayê ya Navhikûmetî ya bi ser Neteweyên Yekbûyî (IPCC) ve, têkilî okyanosan û qeşayan raporeke ku li alarmê dide weşand
Di raporê de ku vê çarşemê weşiya, pisporên NY’yê diyar kirin okyanosên ku mexdûrên germbûna global in û qadên qeşayî yên ku bi lez û bez dihelin gefê li ser tevahiya mirovahiyê dixwin. Bi kurt û kurmancî; ji bo felata mirovahiyê divê mirov okyanosan xilas bike.
Rapor diyar dike ji bo ziyana li ser mirovahiyê were kêmkriin divê emilsyonên CO2’yê werin kêmkirin. Di raporê de tê gotin li cîhana ku germahiya hewayê +2°C jî be wê bager û bahoz xurtir bin, li peravan wê ziyan zêdetir bin.
Tîrbûna bagerên tropîkal û bagerên bi kategoriya 4 û 5’an wê zêdetir bin. Bilindiya deryayan sedsala 21’ê li gorî ya 20’an 2,5 caran lê wê zêde bûne, bi biçûkbûna qubeyên qeşayan derya wê rabin.
Hate gotin çi cure senaryo werin danîn jî, bilindbûna deryayan wê heta 2100’î bidomin. Hate diyarkirin li cîhana ku germahiya hewayê +2°C rîtma bilindbûnê 2300’î wê piştî bilindbûna metroyekê raweste. Heke emisyonên gaza serayê bi leza niha bidome derya wê metroyan wê rabin.
Li gorî raporê bi giştî heta nîveka sedsalê wê nêzî milyarek mirov wê li qadên peravên hinekî bilind bijîn. AMED
