Serokwezîrê Pakistanê Îmran Han diyar kir ku serokê DYA’yê Donald Trump ji bo kêmkirina aloziya bi Îranê re bibe navbeynkar
Hîn ne diyar e ku di navbera serokkomarê Îranê Hasan Rûhanî û Serokê DYA’yê Donald Trump de li New Yorkê di dema civîna bilind a Neteweyên Yekbûyî de hevdîtinek bê kirin an na.
Îmran Han li Civata Giştî ya Neteweyên Yekbûyî ji rojnamevanan re axivî û diyar kir, ji bo kêmkirina aloziyê her wiha ‘ji bo peymaneke nû’ Trump ji wan xwestiye ku tevkariyê bikin. Han piştî ku bi Trump û serokkomarê Îranê Hasan Rûhanî re hevdîtinên cuda kir daxuyaniyeke bi vî rengî kir.
Serokkomarê Îranê Hasan Rûhanî ji Fox Newsê re axivî û diyar kir ku beriya hevdîtinek der barê peymana nukleerî divê Trump destpêkê baweriyê biafirîne. Serokê DYA’yê Trump sêşemê gef xwaribû ku zexta li dijî Îranê girantir bikin. Trump gotibû, “Heta ku nêzîkatiya gefxwarinê ya Îranê bidome wê pêkanîn girantir bibin.”
Serokkomarê Fransayê Emmanûel Macron li Neteweyên Yekbûyî bang li Îranê û DYA’yê kir ku ji nû ve dest bi hevdîtinan bikin. NEW YORK
