Polîsan bi fermana Wezîrê Karên Hundir Suleyman Soylu destûr nedan malbata gerîlayê HPG’ê Muhammet Emîn Demîr (Denîz Agirbaz) ê şevê din li Goristana Bismilê hat definkirin, , li hewşa mala xwe şînê deynin
Gerîlayê HPG’ê Muhammet Emîn Demîr (Denîz Agirbaz) ku piştî 49 rojan radestî malbata wî hat kirin, şevê din hat definkirin. Piştî definkirina cenazeye malbat şîna kurê xwe li malê danîn. Lê polîsan destur nedan ku malbat di hewşa malê de şî şîna kurê xwe danîn. Malbatê diyar kir ku polîs hatine mala wan û ji wan re gotine ‘Em hatine biryara Wezîrê Karên Hundir bi we re parve bikin. Em teqez destûr nadin şîna cenazeyên terorîstan bê danîn. Qedexe ye. An hûnê van kursiyan ji vir rakin an jî em ê bi ava şid û bombeyên gazan mudaxele bikin.’
Dema polîs çûn cihê şînê endamên HDP’ê jî li wir bûne û polîsan ji wan re gotiye ‘Ji xwe hûn ev saeteke li vir in, ji nava şînê derkevin.’ Pişt re di nava polîs û HDP’iyan de nîqaş derketin. Malbatên rastî gefên polîsan hatin ji neçarî şîn ji hewşa malê veguhestin hundirê malê.
Endamê HPG’ê Muhammet Emîn Demîr (Denîz Agirbaz), di 2014’an de tev li PKK’ê bû û di 11’ê Tebaxa 2019’an de li Gevera Colemêrgê di pevçûnekî de şehîd bibû. Malbatê piştî 49 rojan di 28’ê Îlonê de cenaze ji morga Nexweşxaneya Colemêrgê girtin û şevê din li Bismila Amedê defin kirin. AMED
