Piştî ku Dadgeha Bilind serlêdana biryarê ya beraet û cezayê girtîgehê yê li polîsên bersûcên zarokê 12 salî Nihat Kazanhan ê li Cizîrê kuştin hat birîn qebûl nekir, parêzeran serî li AYM’ê dan. Di serlêdanê de hat diyarkirin ku mafê darizandina adilane hatiye binpêkirin û hat xwestin ku lêpirsînek bi bandor bê birêvebirin
Zarokê 12 salî Nîhat Kazanhan ê li navçeya Cizîrê ya Şirnexê, dema li ber mala xwe dilîst di 14’ê çiya 2015’an de ji aliyê polîsê hêzên taybet Mehmet Nurbakî Goçmez ve hat kuştin. Di doza hat vekirin û dîtin de, ji bo polîs Goçmez 13 sal û 4 meh cezayê girtîgehê û ji bo polîs H.V. jî biryara beraetê hat dayîn. Îtîraza ji bo biryara dadgehê hat kirin, ji aliyê Dadgeha Bilind ve hat redkirin. Daîreya Cezayê 1’emîn a Dadgeha Bilind, di biryara dayî de nirxandina “Neguncawî nehatiye dîtin” kiribû.
Parêzerên dosyeya Kazanhan, ji bo betalkirina biryara qebûlkirina Dadgeha Bilind serî li Dadgeha Destûra Bingehîn (AYM) da. Parêzeran bi hincetên “Mafê jiyanê bin pê kirin”, “Lêpirsînek bi bandor bi rêve ne birin” û “Mafê darizandina adilane bin pê kirin” serî li AYM’ê dan. Di serlêdana hat kirin ku hat dest nîşan kir ku Kazanhan bi zanebûn hatiye kuştin û hat xwestin ku lêpirsînek bi bandor derbarê polîsan de bê birêve birin. ŞIRNEX
