Taxa Îstasyonî ya qezaya Artuklu de polîsan eştî serê keyeyêk û ame îdîakerdene ke keso bi nameyê Ferhat Şîmdîyî ke yeno îdîakerdene HPGyî yo seba ke nêkewo dest cuya xo peynî kerdo. Ferdanê keyeyî ra 4ê ci doman pêropîya 8 kesî ameyî binçimkerdene
Taxa Îstasyonî ya qezaya Artuklu ya Mêrdînî de polîsê sîvîlî û tîmê taybet saetanê serê sibayî de eştî keyeyêk ser. Sereştişê keyeyî de ame îdîakerdene ke keso bi nameyê Ferhat Şîmdîyî ke yeno îdîakerdene endamê HPGyî yo û 7ê êlule de qezaya Dêrikî de pêrodayîşêk de birîndar bîyo, seba ke nêkewo dest cuya xo peynî kerdo
Badê hedîse Azad Şîmdî, Halîde Şîmdî, Şemsiye Şîmdî, kesêk ke nameyê ci/aye nêame zanayene û 4 domanî ameyî binçimkerdene. Ame zanayene ke domanê ke ameyî binçimkerdene ra yewê ci de nêweşîya otîzmî esta.
Ame zanayene ke 8 kesê ke ameyî binçimkerdene berdî Mudirîya Polîsan ya Mêrdînî. MÊRDÎN
