Dozger angaştnameya der barê Hevserokên HDP û DBP’ê û Endamên Meclisa HDP’ê yên di tîrmehê de li Mêrdînê hatin girtin de bi angaşta “Endamtdiya rêxistinê” doz vekir. Dozger, piştgiriya ji bo greva birçîbûnê wekî sûc hesiband
Polîsan di tîrmehê de li Mêrdînê li dijî endam û rêveberên HDP û DBP’ê de operasyon li dar xistibûn û bi ser gelek malan de girtibûn. Polîsan di operasyonê de Hevserokên DBP’ê Leyla Bozkurt û Şehmuz Sun, Endamên Meclîsa HDP’ê Alaattin Semir Zugurlî û Sedat Ay binçav kiribûn û hatibûn girtin. Di 19’ê Sibatê de jî hevserokê HDP’ê yê Mêrdînê Ali Sîncar hatibû binçavkirin û girtin. Dozger der barê Hevserokên HDP û DBP’ê û endamên meclîsa HDP’ê de îddîaname amade kir. Dozger der barê hevserokên HDP û DBP’ê û endamên Meclîsa HDP’ê de bi îdîaya “Endamtiya rêxistinê” îddîaname amade kir. Danişîna yekemîn wê di 14’ê Mijdarê de bê dîtin. Dozger piştgiriya ji bo çalakiya greva birçîbûnê wekî sûc dît.
Parlamenterên HDP’ê yên Mêrdînê Ebru Gunay û Tuma Çelik li dijî tecrîdkirina Rêberê Gelê Kurd Abdullah Ocalan û ji bo piştgiriya çalakgerên greva birçîbûnê di Kanûna 2018’an de li avahiya HDP’ê ketibûn greva birçîbûnê. Rêveber û endamên HDP û DBP’ê jî piştgirî dabûn çalakiya greva birçîbûnê. MÊRDÎN
