Derbarê hin xizmên ku 34 kesên di Komkujiya Roboskê de jiyana xwe ji dest dabûn de, bi tawanbariya “endamtiya rêxistinê” doz hat vekirin. Danişîna ewil a dozê piştî 8’emîn salvegera komkujiyê bi 2 rojan dê bê dîtin
Di 28’ê Kanûna 2011’an de li gundê Roboskê yê Qilebana Şirnexê balafirên şer ên dewleta tirk 34 kes kuştibûn. Serdozgeriya Komarê ya Şirnexê, bi hinceta pankartên di 4’emîn salvegera komkujiyê de hatibûn vekirin lêpirsîn dabû destpêkirin. Wê di çarçoveya lêpirsînê de îfadeya Ayaz Encu, Aysel Encu, Berîvan Encu, Cahîde Encu, Cîhan Encu, Fadîle Tosun, Hanim Encu, Heybet Encu, Muhsîn Aykut, Selcan Encu, Semîre Encu, Sevcan Encu, Sozdar Encu û Tufan Saydam û Meral Geylanî û Yannis Vasilis Yaylali ku destek dan malbatan hat girtin. Dozgeriyê piştî îfadeyan bi tawanbariya “endamtiya rêxistinê” îdianame amade kir û Dadgeha Cezayê Giran a Şirnexê îdianame qebûl kir. Wê danişîna ewil a dozê piştî 8’emîn salvegera komkujiyê bi 2 rojan bê dîtin. ŞIRNEX
