Ameyîşê payîzî reyde hemwelatijî dest bi şîyayîşê serê mehsereyan kerd. hemwelatijî mehsere ser de seba aşmanê zimistanî yê serd bastêq û meşlûlan virazenî
Herême de wextê mehsereyî dewam keno. Engurê ke mîyanê rezan ra yenî arêdayene sere de benî şîre û şîreyo ke enguran ra yeno herînayene lênanê girdan de yenî girnayene. Badê viraştişê gesîdî bastêq, meşlûl, dims, kesme û sewbîna xeylê çîyî yenî viraştene û nê çîyî aşmanê zimistanî yê serd û seqem de yenî werdene.
Dewa Mukriyan ya qezaya Hênê ya Amedî hema zî mehsere dewam keno. Hemwelatijê dewa Mukriyanî Şukriye Orde (58) zî înan ra yew o. Ordeyî ard ziwan ke ê dest bi arêdayîşê engure kerdî û va: “Badê ke ma engure arê danî, engure gecilnenî û şîreyê engure vejenî. Ma dima ra awa engure sefênenî û kenî lênanê girdan. Ma seba ke rengê bastêqî tay akerde bo û bakterîyê ke zirar danî merdiman bêrî eştene, tay herre kenî mîyanê şîre û danî girnayîşî. Şîre wexto ke girîyeno kef keweno ser û ma zî kefê şîre herînenî. Ma wexto ke şîre tay serdin beno, ard zî kenî mîyanê ci û abstêqan çarşefan ser de rafînenî.”
Hatûn Orde (52) zî daye zanayene seba meşlûlan gûzan şiknenî û dima rap ê derzî gûzan kenî la ra. Ordeye dîyar kerde ke layê gûzan tîje ver de danî vindetene û seba zimistanî yenî wedarnayene. AMED
