Hemwelatijê bi nameyê Mehmet A.K. yo ke şîyêne maçê Amedsporî, hetê terefgiranê Sariyerî ra seba ke persê ‘Ti kurd î?’ rê cewabê ‘Heya’ da raştê hêrişî ame
Maçê Amedspor-Sariyerî de terefgîrê ke şîyê maç seyr bikê ameyî lînçkerdene. Serekê Amedsporî Metîn Kilavûzî parbe kerd ke hêriş verê maçî rîyê tezahuratanê nîjadperestan ê tayê terefgîran ê Sariyerî ra ame meydan û îlawe kerd ke no hêriş goreyê ziwanê sporî û ruhê sporî nê yo.
Kilavûzî va: “Çend rojan ra nata serê medyaya komelkîye de parbekerdişê hêriş ê nîjadperestî verba Amedsporî estbî. “Terefgîrê ma Mehmet A.K.yo ke hayîya ci pê qedexeyê terefgîran ra çinêbî, nêzdîya stadyûmî de hetê terefgîranê Sariyerî ra verê ci ame girewtene. Terefgirê Sariyerî ci rê persayê ‘Ti şinî ça?’ û ey zî vato ‘Ez şino maçê Amedsporî’ û dima persayê ‘Ti Kurdî?’ û Mehmet A.K. cewabê ‘Heya.’ da. Dimayê nê cewabî terefgiranê Sariyerî Mehmet A.K. lînç kerd. 3 Embazê ma yê bînî yê lîsteya protokolî ya Amedsporî ra dekewtişê stadyumî de ameyî derbkerdene. Çi beno wa bibo Amedspor meymananê xo reyde reyna bi hewayêkê meymanperwerî tê bigêrê û mîsyonê xo yê haştîye rê fek vera nêde.”
Kilavuz seba maçê Amedspor-Samsunsporî yê 9’ê Teşrîna Verêne veng da pêroyê terefgiran û va: “Ma terefgiranê xo pê tewirê înan ê haştîyane, biçoş û aktîfî dawetê paştdayîşî yê taximê înan kenê.” AMED
