Li Bexdayê di çalakiyan de heta niha zêdetirî 100 kes hatin kuştin û zêdetirî 4 hezar çalakvan jî birîndar bûn. Li ser vê yekê waliyê Bexdayê Felah Cezaîrî îstîfa kir
Çalakiyên gelê Iraqê yên li dijî Hikûmeta Navendî ya Iraqê her ku diçe mezintir dibin. Çalakiyên ku li Bexda û bajarên din ên Iraqê berbelav dibin, 5 roj li pey xwe hişt. Ji ber mudaxaleya tund a hêzên ewlehiyê ya Iraqê, gelek welatî hatin kuştin û bi hezaran jî birîndar bûn.
Hat zanîn ku bi destpêkirin û berbelavbûna çalakiyan re, waliyê Bexdayê Felah Cezaîrî îstîfaya xwe ragihand û meclisa parêzgehê jî bi piraniya dengan îstîfaya walî erê kir. Felah Cezaîrî di sala 1960’an de ji dayik bû û di sala 2018’an de ji bo walîtiya Bexdayê hatibû erkdarkirin. Beriya bibe walî jî endamê Meclisa Bexdayê bû.
Li gorî hejmara dawî, heta niha di çalakiyên Iraqê de herî kêm 100 kes hatine kuştin û nêzî 4 hezar birîndar hene. Di nava kuştî û birîndaran de hejmareke kêm a hêzên ewlekariyê jî heye. Ji şevê din ve jî çalakvanan êrîşî 4 kanalên televîzyonê kir. BEXDA
