Wezîrê Karanê Teberî yê Îranî Cewad Zarîf vat ê ‘verba çalakîyêka leşkerî’ ya dewleta tirkî ya serê Vakur û Rojakewtena Sûrîye yê
Goreye rîpelo fermî yê Wezaretê Karanê Teberî yê Îranî Zarîfî mewkîdaşê xo yo tirkî reyde bi telefonî qisey kerd û behsa ‘rewşa peyêne ya Vakurê Sûrîye’ kerd.
Goreyê eşkerayîya rîpelî yê wezaretî Wezîrê Karanê Teberî yê Tirkî Mevlut Çavuşoglû vato ê do hûrmet bikê yewîya erdê Sûrîye û ‘operasyon’ do seba wextêk bibe.
Ame vatene Zarîfî ‘verba çalakîyêka leşkerî’ veng da dewleta tirkî ke ‘pareyê yewîya erdê Sûrîye û bandura ci rê hûrmetdar bibê.’
Zarîfî va: “Seba Tirkîya û Sûrîye sîstemo tewr baş ê seba cewabdayîşê qesawetî mutabaqatê Edene yo.” Goreyê peymana ke 1998 de ameye îmzakerdene Tirkîya eşkena serê erdê Sûrîye de hêrişan bika.
Serekê DYA Donald Trumpî bi eşkerayîya roja Yewşemeyî berê îşxalî dewleta tirkî rê akerd, hem hetê komareparêzan ra hem zî hetê mîyanneteweyî ra ci rê zafê rexneyî ameyî kerdene, naye ra Trump roja Dişemeyî ziwanê xo vurna. Çime: ANF
