Fermandarê Giştî yê HSD’ê Mazlûm Ebdî diyar kir ku piştî rê li ber vekirina Amerîkayê ya ji bo operasyona Tirkiyeyê ya li hemberî Bakur û Rojhilatê Sûriyeyê, çav û guh lê kirina girtiyên DAIŞ’ê êdî pêşaniya wan a duyemîn e
Fermandarê Giştî yê Hêzên Sûriyeya Demokratîk (HSD) Mazlûm Ebdî, têkildarî êrîşa muhtemel a Tirkiyeyê ya li hemberî Bakur û Rojhilatê Sûriyeyê ji NBC Newsê re axivî. Ebdî diyar kir ku şervanên peywirdarên girtiyên DAIŞ’ê ji bo parastina sînor a ji êrîşên mumtemel derbasî ser sînor bûne û piştî rê li ber vekirina Amerîkayê ya ji bo operasyona Tirkiyeyê ya li hemberî Bakur û Rojhilatê Sûriyeyê, çav û guh lê kirina girtiyên DAIŞ’ê êdî pêşaniya wan a duyemîn e.
Ebdî diyar kir ku li hemberî biryara Amerîkayê matmayî mane û wiha got: “Ev rewş bû sedem ku baweriya Sûriyeyê ya ji Amerîkayê û pêbaweriya bi Amerîkayê biheje. Biryara Amerîkayê dê bibe sedema jiyana kurdan. Êdî tiştên ku qet nexwazin difikirin. Li hemberî êrîşan dibe ku bi lîderê rejîma Sûriyeyê bi Beşar Esad re tifaqek ava bikin. Ez bang li gelên Amerîkayê dikim ku ji bo Trump ji vê biryarê zivirînin tundiyê lê bikin. Van mirovên ku bi we re li hemberî terorîzma navneteweyî, DAIŞ’ê şer kirin, niha di nav talûkeyê de ne û li hemberî vî şerê bi tena serê xwe mane.”
