Senatorê Komarparêz Lindsey Graham ku dijberiya xwe ya li hemberî biryara Serokê Amerîkayê Donald Trump didomîne, ji bo Tirkiyeyê got ku ji bo ketina Sûriyeyê destûr ji wan negirtine.
Serokê Amerîkayê Donald Trump di 7’ê Cotemehê de biryara vekişandina hêzên Amerîkayê ya ji Bakur û Rojhilatê Sûriyeyê da. Rexneyên senatorên amerîkî yên li dijî vê biryara Trump didomin. Senatorê Komarparêz Lindsey Graham ku bi nêzikbûna xwe ya Trump tê nasîn, li ser hesabê xwe yê medya civakî careke din bertek nîşanî biryara Trump a vekişandinê da.
Grahama di parvekirina xwe ya ku bi etîketa #StandWithTheKurds (Ez bi kurdan re me) kir de ev tişt got: “Ez bang li hikûmeta tirk dikim. We ji bo ketina Sûriyeyê ji me destûr negirtiye. Li Kongreyê li hemberî we muxalefeteke mezin a ji 2 partiyan heye û ev jî xeteke sor e ku divê hûn derbas nekin.”
Graham got ku bi operasyoneke muhtemele têkiliyên qurfbar ên di navbera Amerîka û Tirkiyeyê de dê bi temamî tune bibin.
Graham berê jî peyameke wiha “Heke Tirkiye bikeve Bakur û Rojhilatê Sûriyeyê dê bi danekirinên Kongreyê yên ku ji dojehê derketine re rû bi rû bimîne. Danekirinên berfireh, kûr û hilweşîner.” weşandibû.
