Wezareta Karên Diyanetê ferman da ku ji bo piştgiriya bi êrîşa dagirkeriyê ya dewleta tirk a li dijî bakur û rojhilatê Sûriyeyê, li hemû mizgeftên bakurê Kurdistanê û Tirkiyeyê Sûreya Fethê bê xwendin
Dewleta tirk û komên wê yên çete ji bo dagirkirina bakur û rojhilatê Sûriyeyê îro dest bi êrîşa dagirkeriyê kir. Serokê wezareta karên diyanetê ya dewleta tirk jî ji bo piştgiriya êrîşa dagirkeriyê fermanek parve kir.
Der barê mijarê de serokê diyanetê Alî Erbaş ku qaşo nûnerê ola îslamê yê dewleta tirk e, ji bo dagirkirina axa bakur û rojhilatê Sûriyeyê fermanek da û xwest ku li hemû mizgeftên bakurê Kurdistanê û bajarên dewleta tirk ‘Sûreya Fethê’ bê xwendin.
Hêjayî bibîrxistinê ye ku heman wezaretê di 20’ê çileya sala 2018’an de jî ji bo êrîşa dagirkirina Efrînê ku bi sedan sivîl hatin qetilkirin û sûcên şer ên mezin hatin kirin jî ferman dabû û xwestibû ku li hemû mizgeftan ‘Sûreya Fethê’ bê xwendin.
