Rêveberiya Xweser a Bakur û Rojhilatê Sûriyeyê bi daxuyaniyekê ragihand ku ew bi erênî nêzî hewldana Sergey Lavrov a ji bo hevdîtinên di navbera rêveberiya xweser û rejîma Sûriyeyê de dibin. Rêveberiya xweser diyar kir ku rêya herî guncav, diyalog e
Rêveberiya Xweser a Bakur û Rojhilatê Sûriyeyê têkildarî geşedanên dawî daxuyaniyek bi raya giştî re parve kir. Di daxuyaniyê de rêveberiya xweser destnîşan kir ku ji bo bidawîkirina aloziya Sûriyeyê rêya herî guncav, pêşxistina diyalogê ye.
Daxuyaniya rêveberiya xweser a têkildarî mijarê wiha ye:
“Rêveberiya Xweser a Bakur û Rojhilatê Sûriyeyê her tim dibêje ku ji bo çareserkirina aloziya li Sûriyeyê rêya herî guncav, diyalogên sûrî-sûrî ne. Me her tim hewl da ku diyalogê pêş bixin. Ji bo pêşxistina diyalogê jî di navbera me û Rûsyayê de gelek hevdîtin hatin kirin. Rêveberiyê nexşerêya çareseriyê pêşkêş kir û dibîne ku pêşxistina wan kedan ji bo ku nexşerê di pratîkê de pêk were gelek girîng e.
Wek Rêveberiya Xweser a Bakur û Rojhilatê Sûriyeyê em bi awayekî erênî li daxuyaniya wezîrê Wezareta Karên Derve ya Rûsyayê birêz Sergey Lavrov ku dixwest di navbera rêveberiya xweser û hikûmeta Sûriyeyê de pêk bîne. Em hêvî dikin ku Rûsya piştgirî bide vê yekê û bi rola garantor rabe. Encamên wê yên pratîk û rastîn hebin. Ji ber ku ev girtek ji bo xizmeta berjewendiya tevahiya Sûriyeyiyan e. Teqez e ku em naxwazin bûyerên li Efrînê rû dane dubare bibin. Li Efrînê tevahiya gelê Sûriyeyê rastî êrîşan hatin û hatin hedefgirtin. Ji ber wê divê Efrîn dubare nebe ji ber ku dê li Sûriyeyê û gelê wê bi giştî xeter be.”
