Şervanên HSD’ê li Girê Spî di encama pevçûnên giran de 5 tankên dewleta tirk rûxandin. Her wiha li Serêkaniyê jî 5 çeteyên dewleta tirk hatin kuştin û cenaze ketin destê şervanan
Topbarana artêşa tirk û komên çete yên girêdayî wê êrîşên xwe yên li dijî rojavayê Kurdistanê didomînin. Di vê çarçoveyê de hêzên dagirker navenda Girê Spî û gundewarên topbaran kirin. Li hemberî van êrîşan jî şervanên HSD’ê bersivên tund didin hêzên dagirker.
Li gorî agahiyên ji çavkaniyên herêmê, şervanên HSD’ê di çarçoveya xweparastinê de li Girê Spî bersivên tund dan hêzên dagirker û di encama bersivan de 4 tankên dewleta tirk hatin rûxandin.
Li Serêkaniyê pevçûnên giran
Hat zanîn ku dewleta tirk li 3 noqteyên li hemberî Serêkaniyê jî dîwar rakirin û dixwazin ku di hêla bejahî de êrîş bikin. Dewleta tirk di van êrîşan de jî çeteyên El Nusrayê ku di destpêka Şoreşa Rojava de jî li heman herêmê hatibûn bikaranîn, tên bikaranîn.
Çavkaniyên ji herêmê ragihand ku di encama şer û pevçûnên li mezraya Michê yê rojhilatê Serêkaniyeyê 5 çeteyên artêşa tirk hatin kuştin û cenazeyên wan di destê şervanan de ne. GIRÊ SPÎ – SERÊKANIYÊ
