HSD’ê bi peyamekê spasiya dewletên erebî û yên ewropî ku bertek nîşanî êrîşa dagirkeriyê ya dewleta tirk a li dijî rojavayê Kurdistanê dane, kir
Êrîşa dagirkeriyê ya dewleta tirk û komên çete yên El Qaîde, El Nusra, DAIŞ û OSO’yê ya li dijî rojavayê Kurdistanê li gelemperiya cîhanê rastî bertekên tund hat. Di heman demê de di serî de Misir û Erebistana Siûdî, gelek dewletên ereban jî bi daxuyaniyên cuda êrîşên dagirkeriyê yên dewleta tirk bi tund şermezar kirin.
Têkildarî helwesta dewletên cîhanê û ereban ên der barê êrîşa dagirkeriyê ya dewleta tirk û çeteyên wê, Hêzên Sûriyeya Demokratîk (HSD) li ser hesabê xwe ya twîtterê peyamek parve kir.
Peyama HSD’ê wiha e: “Ji ber helwesta wan a li dijî êrîşa dagirkeriyê ya dewleta tirk a li dijî bakur û rojhilatê Sûriyeyê, em spasiya hikûmetên erebî yên weke Erebistana Siûdî, Îmarat, Behreyn, Urdin, Lubnan, Lîbya, Misr, Kiwêt û Iraqê û yên hikûmetên rojavayî yên weke Ingilistan, Fransa, Hollanda, Kanada û Almanyayê dikin.”
