Hêzên Parastina Civakî li bajarê Serêkaniyê êrîşeke çeteyên DAIŞ’ê ya li dijî sivîlan vala derxist. Di encama mudaxaleya HPC’ê de 5 çeteyên êrîşkar bi saxî hatin girtin
Dema ku hêzên artêşa tirk li dijî rojavayê Kurdistanê êrîşa dagirkeriyê da destpêkirin, şaneyên veşartî yên çeteyên DAIŞ’ê jî li Rojava ketin nava liv û tevgerê. Çeteyên ku dixwazin ewlehiya bajar têk bibin, tevliyeviyê derxînin û derbasbûna hêzên dagirker hêsan bikin, rastî operasyonên şervanên HSD’ê û hêzên ewlehiya hundirîn tên.
Li gorî agahiyên ji herêmê, şaneyeke çeteyên DAIŞ’ê hewl da ku li Serêkaniyê êrîşî sivîlan bikin û tevliheviyê derxînin. Li ser vê yekê jî Hêzên Parastina Civakî (HPC) li Çerxerêya Şehîdan a Serêkaniyê dor li şaneyên veşartî yên DAIŞ’ê girt û hemû çete dîl girtin.
Çeteyên DAIŞ’ê îro di saetên sibehê de jî hewl dan êrîşî sivîlên li gundê Tiwêmiya yê başûrê Serêkaniyê bikin. Hêzên Asayîşê jî bersiva wan dan û di encama wê de 4 çete hatin kuştin. SERÊKANIYÊ
