HSD bi mesajêk dewletanê ereb û ewropî yê ke reaksîyon nîşanê hêrişanê dagirkerî yê dewlete tirkî yê vera rojawanê Kurdistanî dayî, kerd
Hêrişê dagirkerî yê dewleta tirkî û komê çeteyanê girêdayeyê aye yê sey El Qaîde, El Nusra, DAIŞ û OSOyî vera rojawanê Kurdistanî pêroyê dinya de raştê reaksîyonanê şîdetinan ame. Sere de Misir û Erebistanê Siûdî, xeylê dewletê erebî bi eşkerayîyayê cîya-cîyayan hêrişanê dagirkerî yê dewleta tirkî bi îdet şermizar kerdî.
Hêzê Sûrîyeya Demokratîke (HSD) derheqê vindetişê dewletanê dinya û ereban yê hemverê hêrişanê dagirkerî yê dewleta tirkî de serê hesabê xo yê medyaya komelkî twîtterî de mesajêk pare kerd.
Mesajê HSDyî wina yo: “Ma seba vindetişê înan yê hemverê hêrişanê dagirkerî yê dewleta tirkî yê vakur û rojhelatê Sûrîye de hukmatanê erebî yê sey Erebistanê Siûdî Îmarat, Behreyn, Urdin, Lubnan, Lîbya, Misr, Kiwêt û Iraqî û hukmatê rojawanî yê sey Ingilistan, Fransa, Hollanda, Kanada û Almanyaye rê spas kenî.”
